കേരള രാഷ്ട്രീയത്തിന്റെ

മാറുന്ന മുഖം

കേരളത്തിന്റെ രാഷ്ട്രീയം ഇന്ന് ഒരു വലിയ വഴിത്തിരിവിലാണ്. പതിറ്റാണ്ടുകളായി നാം കണ്ടുവരുന്ന രാഷ്ട്രീയ പ്രവർത്തനങ്ങൾ നേതാക്കൾ തമ്മിലുള്ള വാക്പോരുകളും, അണികൾ തമ്മിലുള്ള ഏറ്റുമുട്ടലുകളും, അഴിമതി ആരോപണങ്ങളും, ഹർത്താലുകളും, സ്ത്രീപീഡന ആരോപണങ്ങളും മാത്രമായി ചുരുങ്ങുന്നു. ഈ വൈകാരികവും പ്രതികരണാത്മകവുമായ രാഷ്ട്രീയം സമൂഹത്തിനു ഗുണം ചെയ്യുന്നതിനു പകരം കൂടുതൽ അരാജകത്വത്തിലേക്കും വിഘടനവാദത്തിലേക്കും നയിക്കുന്നു. പാർട്ടികളോടും നേതാക്കളോടും ഉള്ള അന്ധമായ കൂറ്, അവരുടെ തെറ്റുകളെപ്പോലും ന്യായീകരിക്കാൻ നമ്മളെ പ്രേരിപ്പിക്കുന്നു. ഇത് യഥാർത്ഥത്തിൽ ജനാധിപത്യത്തിനും മൗലികാവകാശങ്ങൾക്കും കേരളത്തിന്റെ വികസനത്തിനും വലിയ തടസ്സമായി മാറിയിരിക്കുന്നു. ഈ അവസ്ഥയ്ക്ക് ഒരു മാറ്റം അനിവാര്യമാണ്.

രാഷ്ട്രീയവും സമൂഹവും - വേർപെടുത്താനാവാത്ത ബന്ധം

ALICE PURACKEL
Vice president and Director Global Politics DJS

ഒരു രാഷ്ട്രത്തിന്റെയും സമൂഹത്തിന്റെയും അടിസ്ഥാന ഘടകമാണ് രാഷ്ട്രീയ വ്യവസ്ഥിതി. ഭരണം, നിയമനിർമ്മാണം, വികസനം എന്നിവയെല്ലാം രാഷ്ട്രീയ തീരുമാനങ്ങളെ ആശ്രയിച്ചിരിക്കുന്നു. രാഷ്ട്രീയ പാർട്ടികൾ വെറും തിരഞ്ഞെടുപ്പ് സംഘടനകളല്ല, മറിച്ച് സമൂഹത്തിന്റെ സ്വപ്നങ്ങളെയും ആവശ്യങ്ങളെയും ഭരണത്തിൽ എത്തിക്കാനുള്ള ശക്തമായ ഉപകരണങ്ങളാണ്. സമൂഹത്തിന്റെ പുരോഗതിക്കും സുസ്ഥിരതയ്ക്കും രാഷ്ട്രീയ പാർട്ടികളുടെ സജീവമായ പങ്ക് അനിവാര്യമാണ്.

രാഷ്ട്രീയം: ഒരു സമൂഹത്തിന്റെ ഭാവിയുടെ ഹൃദയമിടിപ്പ്

ALICE PURACKEL
Vice president and Director Global Politics DJS

     ഒരു സമൂഹത്തിന്റെ എല്ലാ മേഖലകളെയും സ്പർശിക്കുന്ന രാഷ്ട്രീയ വ്യവസ്ഥിതിയിൽ രാഷ്ട്രീയ പാർട്ടികൾക്ക് അതുല്യമായ സ്ഥാനമുണ്ട്. സംഘടനകൾ ജനശ്രദ്ധ നേടാനും പ്രവർത്തനങ്ങൾ നടത്താനും സഹായിക്കുമെങ്കിലും, ഭരണം കൈയാളാനുള്ള അധികാരം നേടാൻ രാഷ്ട്രീയ പാർട്ടികളിലൂടെ മാത്രമേ സാധിക്കൂ.

 ഒരു സമൂഹത്തിന്റെ ആവശ്യങ്ങൾക്കും സ്വപ്നങ്ങൾക്കും യാഥാർഥ്യമാക്കാൻ രാഷ്ട്രീയ അധികാരം അനിവാര്യമാണ്. രാഷ്ട്രീയ ശക്തിയില്ലാത്തവർ മുഖ്യധാരയിൽ നിന്ന് മാത്രമല്ല, കാലക്രമേണ പൊതുസമൂഹത്തിൽ നിന്നുതന്നെ അകറ്റപ്പെടും. അതിനാൽ, ഓരോ തിരഞ്ഞെടുപ്പിനെയും ഗൗരവത്തോടെ സമീപിക്കേണ്ടതുണ്ട്. നമ്മുടെ ആവശ്യങ്ങളും നിർദേശങ്ങളും രാഷ്ട്രീയ പാർട്ടികളിലൂടെ മാത്രമേ നടപ്പാക്കാൻ കഴിയൂ.